අලුත් අවුරුදට සිතුවිල්ලක්."එයා මාර පොරක් "

කට්ටියටම අලුත් අවුරුද්ද ජය ඇති කියලා හිතනවා.ඉතින් අලුත් අවුරුදේ කස්ටියටම අලුත් විදිහට හිතන්න අලුත් දෙයක් ලියන්න හිතුවා.

     එක නිසා මම මේ  ලියන්නේ අපේ ගුරුතුමෙක්  දුන් උපදෙස් මාලාවක් පිළිබදවය.මෙය එක එක වැඩ බ්ලොග් අඩවියට ලිවීමට ප්‍රදාන හේතුව මෙහි  අප සියලු දෙන්නාටම යමක් ගැනීමට ඇතැයි සිතන නිසයි.

     මෙය ආරම්බ කිරීමට මට අවංකවම කොනක් අල්ලාගැනීමට අපහසුය.හරි මෙය මෙසේ අරබමු.එය අගහරුවාදා දිනයකි.උපකාරක පන්තියක් පටන් ගැනීමට පෙර සිදුවන ඔබ දන්නා ක්‍රියාදාමය සිදුවිය.(සැ:යු - කාර්ඩ් මාක් කරන අයියා හොද නිසා මාසයේ දෙවන සතියේ පන්ති කාර්ඩ් එක ගන්නා පොරොන්දුව පිට මට ඇතුලට පැන ගැනීමට හැකිවිය.නැත්නම් මේ කතාව ඔබට කීමට හැකියාවක් නොමැත.:)

සුපුරුදු පරිදි පන්තිය ආරම්බ විය.ගණන් 2ක් 3ක් උදාහරණ ලෙස සෑදු පසු අපට ගනින් සෑදීමට අවස්ථාව ලබාදුන්නේය.ටික වෙලාවකට  පසු සර් පන්තියේ කම්මැලි කම මග ඇරවිමට මෙන් පොඩ්ඩක් දොඩමලුවිය.(මේක එහෙම කියලත් හරියන්නේ නෑ.ඒ උන්නට වෙන කියන්න විදිහකුත් දැන්නෑ. :D)
"කට්ටිය පොඩ්ඩක් වැඩ නවත්තලා මේක අහගන්නකෝ. සමහර අය ඉන්නවා එයාලා වීරයෝ කරගෙන තියෙන්නේ කඩෙන් ගත්ත බාන්ඩයක්.ඒගොල්ලන්ගේ වීරයෝ හොද ෆෝන් එකක් කම්පුටරයක්.ඒ ළමයි හිතනේ එයාලට කිසි දක්ෂ කමක් නෑ කියල.අර බාන්ඩ තමා ඒ ගොල්ලන්ගේ වීරයෝ.අනිත් ළමයිනුත් ගන්නගන්නේ ඒ අය මාර පොරක් විදිහට.එහෙම නෙවයි ළමයි මාර පොරක් වෙන්නේ.කාට හරි හොදට ඉගෙනගන්න,ක්‍රීඩා කරන්න,සින්දු කියන්න පුලුවන්නම් එයා මාර පොරක්.ඒවායින් තමයි  ළමයි මාර පොරක් වෙන්නේ.
 අනික ඔගොල්ලෝ කොහොමහරි ගෙදෙට්ට කරදර කරලා ෆෝන් එකක් ගත්තා කියමු.කාටද දන්නෑ ඕකෙන් කතාකරන්නේ.ඕක ඕගොල්ලෝ පාවිචිකරයි හෙට හම්මවෙන යාලුවෙක් එක්ක මොකක් හරි වල් පල් ටිකක් කියවන්න වැඩක් තියනවද.නෑ නේ .එහෙම නෙවයි ළමයි ඕගොල්ලෝ ඇත්තටම ඔය බාන්ඩ ඕනි කෙනෙක් වෙන්න.( එහෙම කිවුවේ හොද විදායක ශ්‍රේණියේ රැකියාවක් කරන්න කියලා.)
   ඔන්න කවුරුහරි පාවිච්චි කරන්නේ එයා හදපු ෆෝන් එකක් නම් එක ගඩොලක් විතර වුනත් කමක් නෑ අන්න එයා මාර පොරක්.
මම දවසක් දැක්ක කෙනෙක් මේ පන්ති ඇරෙන වෙලාවේ බයික් එකකින් හොදටම රේස් කරලා වාහන අස්සෙන් දාලා ත්‍රසජනක ගමනක් යනවා.එහෙම ගිහිල්ලා පොඩි කඩේක නවත්තලා තේකක් බිලා පත්තරයක් බලලා අයි ඒ විදිහටම යනවා.වැඩක් තියනවද .එයා හදන්නේ එයා මාර පොරක් කියලා පෙන්නන්න .ඕගොල්ලෝ ළමයි ඒ වගේ අය මාර පොරක් විදිහට සලකන්න එපා "
තව සර් ළමයිගේ ඇදුම් ගැනත් මෙහෙම අදහස් දැක්වුවා .
"ඕගොල්ලෝ පොඩ්ඩක් හොයලා බලන්න ඔය campus හෙම ගිය ළමයි කවදාවත් ඒ ඉස්කෝලේ විනය නීති වලට පිටින් ගිහින් තියනවද කියල.නෑ ඒගොල්ලෝ ඒ විදිහට ගානට නිල අඩුම ඇදලා අපු ළමයි.වෙන විකාර කරගෙන ඉස්කෝලෙට අවේ නෑ.(මේක අපේ භාෂාවෙන් කියනවනම් කොන්දේ style කරලා කලිසම බිඩි කකුල් වගේ දාගෙන් ඉස්කෝලේ එන්න එපා කියාලා බව බුදිමත් පාඨක ඔබ  තේරුම් ගත යුතුය)
   මම කියනේ නෑ හොදට අදින්න පළදින්න එපා කියලා.හොදට අදින්න තියනවනම් හොදයි.එහෙම නෑ කියලා ප්‍රශ්නෙකුත් නෑ.හරි එහෙනම් අපි ආයි පාඩමට එමු."
   මේක ඉතින් සර් ගේ හඩින්ම අහන්න තිබුනානම් හොදා.ඒ උනාට එකට විදහක් නෑ නේ.මම හිතන හැටියටනම් මේ කතාව ගොඩක් දුරට හරි.ඔයාලත් ඉතින් තනියම පොඩ්ඩක් මේ ගැන හිතලා බලන්න.ඔයාලම තීරණේ කරන්න මේ අවුරුදේ ඔයාලා කොහොමද වෙනස් වෙන්න ඕනි කියලා.එහෙනම් හැමෝටම සුබ අලුත් අවුරුද්දක්.